Breaking News
Home / اہم ترین / بنگلہ دیش کو ہندوستان دے گا پانچ ارب ڈالر کا قرض ، جوہری معاہدہ سمیت 22 سمجھوتوں پر دستخط

بنگلہ دیش کو ہندوستان دے گا پانچ ارب ڈالر کا قرض ، جوہری معاہدہ سمیت 22 سمجھوتوں پر دستخط

نئی دہلی(ہرپل نیوز،ایجنسی)8اپریل:ہندوستان نے بنگلہ دیش کے ساتھ اپنے رشتوں کو خطے کےباشندگان کی فلاح اور خوشحالی کیلئے وقف کرتے ہوئے پانچ ارب ڈالر کا آسان قرض دینے اور جوہری توانائی کے پرامن استعمال کیلئے تعاون سمیت 22 معاہدوں پر دستخط کئے اور کولکاتہ سے کھلنا تک بس اور ریلوے سروس اور رادھیكاپور-بيرول ریلوے لنک کا افتتاح کیا۔

وزیر اعظم نریندر مودی نے بنگلہ دیش کی وزیر اعظم شیخ حسینہ کے ساتھ حیدرآباد ہاؤس میں دو سربراہی میٹنگوں کے بعد مغربی بنگال کی وزیر اعلی ممتا بنرجی کی موجودگی میں بنگلہ دیش کو یقین دلایا کہ ان کی حکومت شیخ حسینہ حکومت کے ساتھ مل کر طویل عرصے سے زیر التوا تیستا ندی کے پانی کی تقسیم کے مسئلے کا جلد حل تلاش کرے گی۔

بنگلہ دیش کو ہندوستان دے گا پانچ ارب ڈالر کا قرض ، جوہری معاہدہ سمیت 22 سمجھوتوں پر دستخط

شیخ حسینہ نے ہند-بنگلہ دیش تعلقات کے سلسلے میں مسٹر نریندر مودی کی قیادت کی تعریف کی اور اس اعتماد کا اظہار کیا کہ پدما ندی ، گنگاندی اور تیستا ندی کے مسئلے پر دونوں ممالک کے درمیان حل جلد تلاش کیا جائے گا۔ دونوں سربراہوں نے دہشت گردی اور مذہبی بنیاد پرستی کے خلاف مل کر کام کرنے اور سرحد کو جرائم سے پاک اور پرامن رکھنے کا بھی عزم کیا۔ہندوستان کی طرف سے بنگلہ دیش کو آج دیا گیا 4.5 ارب ڈالر کا آسان شرائط والا قرض اس طرح کا تیسرا قرض ہے جسے بنگلہ دیش اپنی ترجیح کے شعبوں میں خرچ کر سکے گا جبکہ 50 کروڑ ڈالر کا قرض دفاعی سازوسامان کی خریداری کے لئے دیا گیا ہے۔

The short URL of the present article is: http://harpal.in/7hDGF

جواب چھوڑیں

آپ کا ای میل ایڈریس شائع نہیں کیا جائے گا. ضرورت کے کھیتوں ک* نشان لگا دیا گیا ہے