Breaking News
Home / اہم ترین / بھٹکل میں تنظیم میڈیا ورک شاپ کی تیاریاں زوروں پر جاری؛ 13سے 17 اکتوبر تک چلے گا ورک شاپ؛ طلبا فوری اپنا نام درج کرائیں

بھٹکل میں تنظیم میڈیا ورک شاپ کی تیاریاں زوروں پر جاری؛ 13سے 17 اکتوبر تک چلے گا ورک شاپ؛ طلبا فوری اپنا نام درج کرائیں

بھٹکل (پریس ریلیز/ ہر پل نیوز) 27/ستمبر.  بھٹکل میں قومی سماجی ادارہ مجلس اصلاح و تنظیم  کی طرف سے منعقدہ میڈیا ورک شاپ کی تیاریاں زوروں پر جاری ہیں، میڈیا ورک شاپ کے لئے  میڈیا سے جُڑی  کئی اہم شخصیات کو مدعو کیا گیا ہے جو طلبا کو میڈیا کے تعلق سے مکمل جانکاری فراہم کریں گے۔ ورک شاپ میں طلبا کو مفید معلومات سے نوازنے  بنگلور، حیدرآباد اور مینگلور سے  کئی ایک میڈیا سے وابستہ ماہرین شریک ہورہے ہیں۔

ورک شاپ 13 اکتوبر  سے شروع ہوکر 17 اکتوبر  تک چلے گا اور کلاسس صبح 9:30 بجےسے  دوپہر  ڈھائی بجے تک  چلیں گے۔ورک شاپ میں شامل ہونے والے سبھی  طلبا کو تنظیم کی طرف سے دوپہر کے کھانے کا بھی انتظام کیا گیا ہے۔

میڈیا ورک شاپ میں  طلبا کو فل ٹائم یا پارٹ ٹائم   جرنلزم کو بطور پیشہ اپنانے کی مکمل تربیت فراہم کی جائے گی۔ پریس ریلیز جاری کرتے ہوئے میڈیا واچ کمیٹی کے کنوینر  افتاب حُسین کولا نے  بتایا کہ  جو طلبا جرنلزم کو پیشہ کے طور پر اپنانا چاہتے ہوں، اُن کے لئے تنظیم نے سنہرا موقع فراہم کیا ہے کہ وہ اس ورک شاپ سے فائد اُٹھائیں، ورک شاپ میں سوشیل میڈیا، ٹی وی اور پرنٹ جرنلزم کے کورسس اور کالجس کے تعلق سے بھی مکمل جانکاری دی جائے گی۔

خیال رہے کہ پی یو سی اور ڈگری کے مسلم طلبا   جن کا تعلق بھٹکل، ہوناور اور کمٹہ علاقہ تک   ہو، ورک شاپ  میں شریک ہوسکتے ہیں، ورک شاپ میں پہلے نام درج کروانے والے پچاس طلبا کو موقع  فراہم کیا جائے گا اور اب تک 25 طلبا اپنے نام درج کرواچکے ہیں۔

شریک ہونے والے طلبا کے لئے ضروری ہے کہ وہ 30 ستمبر تک اپنا نام، عمر، اڈرس، والد کا نام، موبائل نمبر اور اپنا پاسپورٹ سائز فوٹو بذریعہ   ای میل  bhatkalmediawatch@gmail.com  پر روانہ کریں۔  مزید جانکاری کے لئے تنظیم میڈیا واچ کمیٹی کے نائب کنوینر عنایت اللہ گوائی سے موبائل نمبر 9886363666 پر رابطہ کرسکتے ہیں۔

The short URL of the present article is: http://harpal.in/CcpnP

جواب چھوڑیں

آپ کا ای میل ایڈریس شائع نہیں کیا جائے گا. ضرورت کے کھیتوں ک* نشان لگا دیا گیا ہے