Breaking News
Home / اہم ترین / تمل ناڈو میں بس ڈپو کی چھت گری،8 افراد ہلاک ، تین زخمی

تمل ناڈو میں بس ڈپو کی چھت گری،8 افراد ہلاک ، تین زخمی

ناگاپٹنم(ہرپل نیوز،ایجنسی)20 اکتوبر۔ تامل ناڈ ومیں ناگا پٹنم کے پورایار میں آج اسٹیٹ ٹرانسپورٹ کارپوریشن (ٹی این ایس ٹی سی) کی تقریباً 70سال پرانے ڈپو کی چھت گر جانے سے کم سے کم آٹھ لوگوں کی موت ہوگئی اور تین دیگر زخمی ہوگئے۔ پولیس نے بتایا کہ یہ حادثہ علی الصباح تین بجے ہوا۔اس وقت 11ڈرائیور اور کنڈکٹر بس ڈپو کے ریسٹ ہاؤس میں سورہے تھے،جن میں سے آٹھ کی موقع پر ہی موت ہوگئی ۔حادثہ میں تین افراد زخمی ہوئے ہیں جنہیں کرائیکل اسپتال میں داخل کرایا گیاہے۔

حادثہ کی اطلاع ملتے ہی سینئر پولیس افسران اور محکمہ فائر بریگیڈ کے عملہ جائے حادثہ پر پہنچ گئےاور تین لوگوں کو ملبہ کے نیچے سے زندہ نکالنے میں کامیاب رہے۔حادثہ کی وجہ سے مشتعل ٹرانسپورٹ ملازمین ،مزدور تنظیموں اور ان کے رشتہ داروں نے جائے حادثہ پہنچے وزیر ٹرانسپورٹ وجئے بھاسکر اور ناگاپٹنم کے ڈی ایم ڈاکٹر ایس سریش کمار کا گھیراؤ کیا۔وزیر ٹرانسپورٹ نے مرنے والوں کے لواحقین کو ہر ممکن مدد کی یقین دہانی کرائی۔بعد میں انہوں نے صحافیوں سے کہا کہ ٹی این ایس ٹی سی کی پرانی عمارتوں کو توڑ کر ان کی جگہ پر جلد نئی بلڈنگ بنائی جائے گی۔ ضلع مجسٹریٹ نے معاملہ کی تفتیش کیلئے کمیشن تشکیل کرنے کا حکم دیا ہے۔

The short URL of the present article is: http://harpal.in/8cBmR

جواب چھوڑیں

آپ کا ای میل ایڈریس شائع نہیں کیا جائے گا. ضرورت کے کھیتوں ک* نشان لگا دیا گیا ہے