Breaking News
Home / تازہ ترین / داعش کی جانب جاری کئے گئے نئے ویڈیو پیغام میں ہندوستان کو دھمکی

داعش کی جانب جاری کئے گئے نئے ویڈیو پیغام میں ہندوستان کو دھمکی

شدت پسند تنظیم داعش کی طرف سے ایک نیا تشہیری ویڈیو منظر عام پر آیا ہے جس میں شام میں مبینہ طور پر لڑ رہے بعض نوجوانوں کو دکھایا گیا ہے جو اردو زبان میں بات کرتے ہوئے دیکھے گئے ہیں۔ سمجھا جارہا ہے کہ بائیس منٹ کے اس ویڈیو میں جو نوجوان بات کررہا ہے daishjpgوہ ممکنہ طور پر مہاراشٹرا کا ساکن فہد تنویر شیخ ہوسکتا ہے جو کہ سال دو ہزار چودہ میں دیگر تین نوجوانوں کے ساتھ شام چلا گیا تھا ۔ انگریزی اخبار انڈین ایکسپریس کے مطابق اس ویڈیو میں صرف تنویر شیخ کی ہی نشاندہی کی جاسکتی ہے ۔ ویڈیو میں تنویر شیخ کو یہ کہتے ہوئے دکھایا گیا ہے کہ ہم ہاتھ میں تلوار لے کر واپس آئیں گے ‘ بابری مسجد کی شہادت کشمیر ‘ گجرات اور مظفر نگر میں مسلمانوں کے قتل کا بدلہ لیں گے ۔ بتایا گیا ہے کہ اس ویڈیو میں تنویر شیخ نے اپنے ایک ساتھی کو بھی خراج پیش کیا جو کہ شام کے علاقہ رقہ میں سال دو ہزار پندرہ میں ہلاک ہوگیا تھا ۔ تاہم اس ویڈیو کے بارے میں ابھی کوئی تصدیق نہیں کی گئی ہے ۔ سمجھا جارہا ہے کہ سکیوریٹی ایجنسیاں اس ویڈیو کی تحقیقات کررہی ہیں

The short URL of the present article is: http://harpal.in/xYama

جواب چھوڑیں

آپ کا ای میل ایڈریس شائع نہیں کیا جائے گا. ضرورت کے کھیتوں ک* نشان لگا دیا گیا ہے