Breaking News
Home / اہم ترین / سرپرست ہوشیار رہیں۔زندگی بھر قائم رہتے ہیں بچوں کو ڈرانے دھمکانے کے منفی اثرات

سرپرست ہوشیار رہیں۔زندگی بھر قائم رہتے ہیں بچوں کو ڈرانے دھمکانے کے منفی اثرات

پٹس برگ:(ایجنسی)14 مئی :ایک طویل سروے سے معلوم ہوا ہے کہ اگر اوائل عمر میں بچوں کو ڈانٹ ڈپٹ، ہراساں اور خوف کا سامنا ہو تو اس کے نفسیاتی اور طبعی اثر پوری زندگی پر محیط ہوتے ہیں یہاں تک کہ اس سے امراضِ قلب کا سامنا بھی ہوسکتا ہے۔اس عمل کے لیے ماہرین نے ’’بُلیئنگ‘‘ کا لفظ استعمال کیا ہے جو ایک وسیع رویئے کا احاطہ کرتا ہے جس میں کسی بچے کو گھر، اسکول یا ساتھیوں کی جانب سے حوصلہ شکنی، ستانے، ڈرانے دھمکانے، یا تشدد کا سامنا کرنا ہوتا ہے۔ اس کا احوال سائیکولوجیکل سائنس میں شائع ہونے والی اس رپورٹ میں بیان کیا گیا ہے۔ اس انوکھے سروے میں 300 امریکی مردوں کا گریڈ اول سے لے کر 30 کے عشرے تک جائزہ لیا گیا اور دیکھا گیا کہ آیا اگر وہ بچپن میں کسی عمل کے شکار ہوئے تو عمرگزرنے کے ساتھ ساتھ اس کے کیا منفی اثرات برآمد ہوئے ہیں۔

یہ سروے یونیورسٹی آف پٹس برگ کی خاتون ماہرنفسیات نے کیا ہے جس میں ان کا کہنا ہےکہ جن بالغوں کو بچپن میں دھونس اور ڈانٹ کا نشانہ بنایا گیا وہ سگریٹ نوشی اور دیگر نشے کی جانب مائل ہوئے، 20 سال بعد ان کا رویہ بہت پرتشدد تھا اور ان کی زندگی میں بہت معاشی مشکلات آئیں۔ اس کے علاوہ اگلے مزید 20 برسوں تک وہ اپنے مستقبل سے مایوس دکھائی دیئے جب کہ ادھیڑ عمری میں ایسے افراد دل اور شریانی امراض کے شکار بھی زیادہ ہوئے۔ماہر نفسیات کےمطابق سروے میں ایک اور بات یہ بھی دیکھنے میں آئی کہ جن افراد نے بچپن میں تشدد دیکھا خود انہوں نے اپنے بچوں کو بہت ڈانٹا اور ان پر بھی تشدد کیا جو ایک خطرناک رحجان ہے۔

The short URL of the present article is: http://harpal.in/03gB1

Check Also

جے این یو کے گمشدہ طالب علم نجیب کی والدہ فاطمہ نفس سمیت 35 افراد حراست میں،تاہم بعد میں رہا

Share this on WhatsApp نئی دہلی(ہرپل نیوز،ایجنسی)17۔اکتوبر۔ گزشتہ ایک سال سے لاپتہ جواہر لال نہرو …

جواب چھوڑیں

آپ کا ای میل ایڈریس شائع نہیں کیا جائے گا. ضرورت کے کھیتوں ک* نشان لگا دیا گیا ہے