ہرپل آن لائن نظر ہر خبر پر
اگرتلہ:(ہرپل نیوز؍ایجنسی)23؍نومبر: مغربی بنگال کی وزیر اعلیٰ ممتا بنرجی کے بھتیجے اور ترنمول کانگریس کے رہنما ابھیشیک بنرجی کے تریپورہ کے دورے سے پہلے اگرتلہ کے مہاراجہ ویر وکرم ہوائی اڈے پر ایک مشکوک بیگ ملا ہے۔ یہ بیگ ٹی ایم سی لیڈر کے قافلے سے کچھ فاصلے پر ملا تھا۔ وہ ایک ریلی سے خطاب کرنے اگرتلہ پہنچنے والے تھے، تاہم ان کی ریلی ملتوی کر دی گئی۔ب
لدیاتی انتخابات سے عین قبل ہونے والی اس پیش رفت نے تریپورہ میں ایک اور سیاسی بحث کو جنم دیا ہے۔ دریں اثنا پولیس نے کسی بھی واقعے کے پیش نظر پورے علاقے کو گھیرے میں لے لیا ہے اور احاطے کو خالی کرا لیا گیا ہے۔ پولیس کا کہنا ہے کہ بیگ کی چیکنگ کی جا رہی ہے۔مشکوک بیگ ملنے کے بعد ایک بار پھر ٹی ایم سی اور بی جے پی لیڈروں کے درمیان گرما گرم بحث شروع ہو گئی ہے۔
دریں اثنا بی جے پی نے اگرتلہ ہوائی اڈے سے ملنے والے مشتبہ بیگ میں ملوث ہونے سے انکار کیا ہے۔ دوسری جانب ابھیشیک بنرجی نے بی جے پی پر حملہ کرتے ہوئے کہا کہ بی جے پی لیڈر ان کا آئینی حق ختم کرنا چاہتے ہیں۔
