ہرپل آن لائن نظر ہر خبر پر
نئی دہلی:(ہرپل نیوز؍ایجنسی)24؍جنوری: سپریم کورٹ نے پیر کو کرناٹک میں پری یونیورسٹی کالجوں کے کلاس رومز میں حجاب پر پابندی کو چیلنج کرنے والی درخواستوں پر غور کرنے کے لیے تین ججوں کی بنچ تشکیل دینے پر اتفاق کیا ہے۔
درخواست گزارکے وکیل میناکشی اروڑا نے چیف جسٹس ڈی وائی کو بتایا۔ خیال رہے کہ اس معاملے کا ذکر چندرچوڑ کی سربراہی والی بنچ کے سامنے کیا گیا تھا۔
انہوں نے کہا کہ فروری میں ہونے والے امتحان کے پیش نظر اس معاملے کی سماعت ضروری ہوگئی ہے۔
جسٹس وی راما سبرامنیم اور جے بی پارڈی والا کی بنچ نے وکیل سے بھی کہا کہ وہ رجسٹرار کے سامنے اس معاملے کا ذکر کریں۔
وکیل نے کہا کہ معاملہ عبوری احکامات کے لیے اٹھایا جا سکتا ہے۔ بنچ نے کہا کہ یہ تین ججوں کا معاملہ ہے۔
گذشتہ سال اکتوبر میں، سپریم کورٹ نے کرناٹک کے پری یونیورسٹی کالجوں کی کلاسوں میں کچھ مسلم طالبات کے حجاب پر پابندی کی قانونی حیثیت کو چیلنج کرنے والی درخواستوں پر الگ الگ فیصلہ دیا تھا۔
یہ فیصلہ جسٹس ہیمنت گپتا اور سدھانشو دھولیا کی ڈویژن بنچ نے سنایا۔ جسٹس گپتانے کرناٹک حکومت کے سرکلر کو برقرار رکھا اور کرناٹک ہائی کورٹ کے فیصلےکے خلاف اپیل کو خارج کر دیا۔
جب کہ جسٹس دھولیا نے کرناٹک حکومت کے اس فیصلے کو ایک طرف رکھ دیا تھا،جس میں پری یونیورسٹی کالجوں کے کلاس رومز میں حجاب پہننے پر پابندی عائد کی گئی تھی۔
