Home / اہم ترین / شام میں دھماکے سے بچوں اور خواتین سمیت 11 ہلاک، 34 زخمی

شام میں دھماکے سے بچوں اور خواتین سمیت 11 ہلاک، 34 زخمی

بیروت؍دمشق :(ہرپل نیوز؍ایجنسی)12؍جون:شام میں 11 شہری اس وقت ہلاک اور 34 زخمی ہو گئے جب اْن کی گاڑی ایک بارودی سرنگ سے ٹکرا گئی۔خبر رساں ایجنسی اے ایف پی نے سیرین آبزوریٹری فار ہیومن رائٹس تنظیم کے حوالے سے بتایا کہ یہ ہلاکتیں شام کے جنوبی شہر دارا میں ہوئیں جب ایک پِک اَپ ٹرک زمین میں چھپائی گئی باردوی سرنگ کے اوپر سے گزرتے ہوئے دھماکے سے تباہ ہو گیا۔دھماکے میں مرنے والوں میں سے پانچ بچے اور تین خواتین بھی شامل ہیں۔بارودی سرنگ کے اس دھماکے میں 34 افراد زخمی بھی ہوئے جن میں سے بعض کی حالت تشویش ناک ہے۔

شام کی سرکاری خبر رساں ایجنسی دھماکے میں مرنے اور زخمی ہونے والے زیادہ تر مزدور ہیں جو گندم کی فصل کاٹ کر آ رہے تھے۔سیرین آبزوریٹری فار ہیومن رائٹس تنظیم کے مطابق رواں سال شام میں دھماکہ خیز مواد پھٹنے کے واقعات میں ہلاکتوں کی تعداد 124 ہو گئی ہے۔شام میں ایک دہائی سے جاری خانہ جنگی کے دوران سڑکوں کے کنارے اور عمارتوں میں دھماکہ خیز مواد دبایا گیا جس کے پھٹنے کے واقعات تواتر سے ہو رہے جن میں ہزاروں شہری زخمی اور سینکڑوں ہلاک ہو چکے ہیں۔

The short URL of the present article is: http://harpal.in/f00i9

جواب چھوڑیں

آپ کا ای میل ایڈریس شائع نہیں کیا جائے گا. ضرورت کے خانے پر* نشان لگا دیا گیا ہے

This site uses Akismet to reduce spam. Learn how your comment data is processed.