Home / اہم ترین / نتیش کمار کے انتخابی جلسہ میں ہوئی کرکری۔لوگوں نے لگائے ’’لالو پرساد زندہ باد‘‘ کے نعرے

نتیش کمار کے انتخابی جلسہ میں ہوئی کرکری۔لوگوں نے لگائے ’’لالو پرساد زندہ باد‘‘ کے نعرے

پٹنہ ( ہرپل نیوز ، ایجنسی) 21اکتوبر: بہار اسمبلی انتخاب کی سرگرمیاں دن بہ دن تیز ہوتی جا رہی ہیں۔ سبھی پارٹیوں کے سرکردہ لیڈران اپنے امیدوار کے لیے انتخابی تشہیر میں جٹے ہوئے ہیں۔ وزیر اعلیٰ نتیش کمار بھی این ڈی اے امیدواروں کے حق میں لگاتار ریلیاں کر رہے ہیں اور انتخابی جلسوں سے خطاب کر رہے ہیں۔ آج جب وہ چھپرہ میں جلسہ سے خطاب کر رہے تھے تو سامعین میں سے کچھ لوگوں نے اچانک 'لالو پرساد زندہ باد' کے نعرہ لگانے شروع کر دیئے جس سے وہاں پر عجیب و غریب ماحول پیدا ہو گیا۔ نتیش کمار بھی اس نعرے بازی سے تھوڑا تذبذب میں پڑ گئے۔

میڈیا ذرائع سے موصول ہو رہی خبروں کے مطابق چھپرہ میں انتخابی جلسہ سے جب نتیش کمار خطاب کر رہے تھے اور اپنی حکومت کی حصولیابیاں بیان کر رہے تھے تو اچانک درجن بھر لوگ لالو پرساد کا نام لے کر نعرہ بازی کرنے لگے۔ ہنگامہ دیکھ کر نتیش کمار ناراض ہوئے اور مائیک سے ہی نعرہ بازی کرنے والے لوگوں کو نصیحت دیتے ہوئے کہا کہ "آپ جس کے لیے نعرے لگا رہے ہیں اس سے اُس کا ہی نقصان ہوگا۔" انھوں نے مزید کہا کہ "سماج میں کبھی بھی اِدھر اُدھر کی بات نہیں کرنی چاہیے، ہمیشہ سچائی کی بات کرنی چاہیے۔"

قابل ذکر ہے کہ وزیر اعلیٰ نتیش کمار کے ساتھ ایسا پہلی بار نہیں ہوا ہے۔ گزشتہ پیر کے روز بھی نتیش کمار کو ایک انتخابی جلسہ کے دوران پریشانی کا سامنا کرنا پڑا تھا جب ایک شخص نے 'نتیش کمار چور ہے' کا نعرہ لگانا شروع کر دیا تھا۔ واقعہ اورنگ آباد کے رفیع گنج اسمبلی حلقہ کا تھا جہاں نتیش کمار این ڈی اے امیدوار کے حق میں جلسہ عام سے خطاب کر رہے تھے۔ لیکن اچانک ایک شخص نے 'نتیش کمار چور ہے' کا نعرہ بلند کرنا شروع کر دیا جس کی وجہ سے افرا تفری کا ماحول پیدا ہو گیا تھا۔ بعد میں وہاں موجود پولس والوں نے اس شخص کو حراست میں لے لیا تھا۔

The short URL of the present article is: http://harpal.in/swkLV

جواب چھوڑیں

آپ کا ای میل ایڈریس شائع نہیں کیا جائے گا. ضرورت کے خانے پر* نشان لگا دیا گیا ہے

This site uses Akismet to reduce spam. Learn how your comment data is processed.