Home / اہم ترین / کیرالہ سے تمل ناڈو آنے والوں کے لیے آر ٹی پی سی آر منفی رپورٹ یا دونوں ویکسین لگوانا لازمی

کیرالہ سے تمل ناڈو آنے والوں کے لیے آر ٹی پی سی آر منفی رپورٹ یا دونوں ویکسین لگوانا لازمی

چنئی: (ہرپل نیوز؍ایجنسی) 3؍ اگست:۔ کیرالہ سے تمل ناڈو میں داخل ہونے والے لوگوں کے لیے 5 اگست سے آر ٹی پی سی آر منفی رپورٹ یا کورونا ویکسین کی دونوں خوراکیں لینا لازمی ہوگا۔ ریاستی حکومت نے پڑوسی ریاست میں کورونا کے بڑھتے ہوئے کیسز کے پیش نظر یہ فیصلہ کیا ہے۔

چینئی ہوائی اڈے پر صحافیوں سے بات کرتے ہوئے وزیر صحت و خاندانی بہبود فلاح و بہبود ایم سبرامنیم نے بتایا کہ کیرالہ سے ہوائی، سڑک یا ٹرین کے ذریعے تمل ناڈو آنے والے تمام مسافروں کو اپنی منفی رپورٹ لے کر آنی ہوگی۔ یعنی مسافروں کو اپنی حالیہ آرٹی پی سی آر ٹیسٹ رپورٹ یا کورونا ویکسین کی دونوں خوراکیں لینے کا سرٹیفکیٹ پیش کرنا ہوگا۔

انہوں نے بتایا کہ جو لوگ کووڈ۔19 ویکسین کی دو خوراکیں لینے کا ثبوت پیش کرتے ہیں انہیں آرٹی پی سی آر رپورٹ دکھانے کی ضرورت نہیں ہے، لیکن دوسری ویکسین تمل ناڈو میں داخلے کی تاریخ سے 14 دن پہلے ضرور لی ہونا چاہئے۔ واضح رہے کہ کیرالہ میں روزانہ کے معاملات میں تیزی آئی ہے، جو اب 20000 کو عبور کرچکی ہے۔ تمل ناڈو کی سرحدوں کو محتاط رکھا گیا تھا اور عہدیداروں کو سختی سے ہدایت دی گئی تھی کہ وہ صرف ان لوگوں کو ریاست میں داخل ہونے کی اجازت دیں جن کی رپورٹ منفی ہے یا دونوں ویکسینیشن کے سرٹیفکیٹ ان کے ساتھ ہوں۔

The short URL of the present article is: http://harpal.in/2j7Zk

جواب چھوڑیں

آپ کا ای میل ایڈریس شائع نہیں کیا جائے گا. ضرورت کے خانے پر* نشان لگا دیا گیا ہے

This site uses Akismet to reduce spam. Learn how your comment data is processed.